سەرۆک کۆمار دکتۆر لەتیف جەمال ڕەشید، لەگەڵ یاریزانانی هەڵبژاردەی عێراق و ستافی ڕاهێنەرایەتی و کارگێڕی کۆبووەوە، هەروەها پیرۆزبایی لێکردن بە سەرکەوتنیان بۆ پلەی یەکەمی کۆمەڵەکەیان لە چوارچێوەی پاڵەوانێتی خولی 25 هەمینی کەنداو .
ئەم کۆبونەوە دوای ئەوە هات کە یاری هەڵبژاردەی عێراق سەرکەوت بەسەر هەڵبژاردەی یەمەن ، کە سەرۆک کۆمار رێنمایدا کە ڕێز لە ئەندامانی هەڵبژاردەی نیشتمانی بگیرێت و خەڵات بکرێن وەک پێزانینێک بۆ تواناو لێهاتویان و ئەو ئاستە نایابانەی بەدەستیان هێناوە کە بە سەرکەوتنیان بزەیان خستە سەر ڕووخساری عێراقییەکان.
سەرۆک کۆمار داوای لە یاریزانان کرد هەوڵی زیاتر بدەن و کۆڵنەدەر بن لەناو یاریگا و لە کاتی مەشق و ڕاهێنانەکاندا بۆ بەدەستهێنانی ئەو ئەنجامە باشانەی کە عێراقییەکان چاوەڕێی دەکەن، ئەمەش دەبێتە هۆی بەرزکردنەوەی پێگەی عێراق لە بواری وەرزشدا لەسەر ئاستی جیهان.
یاریزانانی هەڵبژاردە و ستافی ڕاهێنەرایەتی و کارگێڕان سوپاس و پێزانینی خۆیان بۆ سەرۆک کۆمار دەربڕی بۆ ئەم دەستپێشخەرییە پڕ بەخشندەییە، کە ڕەنگدانەوەی گرنگیدانی بەڕێزیانە بۆ هەڵبژاردەی عێراق و جوڵانەوەی وەرزشی بەگشتی، هەروەها پەرۆشیی سه‌رۆككۆماریان دەردەخات بۆ بەدەستهێنانی باشترین ئەنجام و بەرزکردنەوەی ناوی عێراق لەسەر ئاستی نێودەوڵەتیی.
ژێده‌ر- راگه‌یاندنی سه‌رۆكایه‌تی كۆماری عێراق
کۆمێنت (0)
تا ئێستا هیچ کۆمێنتێک نەکراوە.