دادگەی ئەمریکا بەهۆی سەرپێچی دارایی و ساختەکاری و خۆدزینەوە لە باج ڕێكخراوی ترەمپ بە بڕی 1.6 ملیۆن دۆلار سزا دەدات.
ئەلڤین براگ داواکاری گشتیی ناوچەی مانهاتن ڕایگەیاند: ڕێکخراوی ترەمپ کە خانەوادەی ترەمپ خاوەندارییەتی ڕێکخراوەکە دەکەن، بە بڕی 1.6 ملیۆن دۆلار سزا درا.
سەبارەت بە هۆکاری سزادانەکە ڕاشیگەیاند: بە تاوانی ساختەکاریی و دەستکاریکردنی داتای ژمێریاری سزا دراون، ئەمەش بە ئامانجی خۆدزینەوە لە باج.
داواکاری گشتیی ناوچەی مانهاتن باسی لەوەش کرد کە ئەم سزا و بڕیارە وەک هۆشدارییەکە بۆ کۆمپانیا و بەڕێوەبەرانی دیکە کە ساختەکاری و سەرپێچیکردن بەبێ سزا تێناپەڕێت.
ئێستا ڕێکخراوی ترەمپ لەلایەن کوڕەکانی دۆناڵد ترەمپ سەرۆکی پێشووی ئەمریکا بەڕێوە دەبرێت، لەبەرامبەر ئەو بڕیارەشدا سەرۆکی پێشووی ئەمریکا ئەو بڕیارە ڕەت دەکاتەوە و سەرکۆنەی دەکات.
کۆمێنت (0)
تا ئێستا هیچ کۆمێنتێک نەکراوە.