بەھۆی نالەباری رەوشی کەشوھەوا و تەم و مژ و دابەزینی ئاستی بینین، گەشتەکان لە فڕۆکەخانەی نێودەوڵەتیی بەغدا راگیران.
بەشی راگەیاندن و پەیوەندییەکان لە فڕۆکەخانەی نێودەوڵەتیی بەغدا لە راگەیەندراوێکدا گەشتیارانی ئاگادارکردووەتەوە کە ئەمڕۆ دووشەممە، بەھۆی نالەباری رەوشی کەشوھەوا و و تەم و مژ و دابەزینی ئاستی بینین، گەشتەکان بەشێوەیەکی کاتی راگیراون.
راشیگەیاندووە کە بەیانی ئەمڕۆ دووشەممە، بەهۆی و تەم و مژ ئاستی بینین بۆ 100 مەتر دابەزیوە.
باسی لەوەش کردووە کە لەئێستادا دیار نییە کەی گەشتەکان دەست پێ دەکەنەوە و ئەوەی خستووەتەڕوو، ھەر کاتێک رەوشی کەشوھەوا ئاسایی بووەوە، دووبارە گەشتەکان دەست پێ دەکەنەوە.
کۆمێنت (0)
تا ئێستا هیچ کۆمێنتێک نەکراوە.