بەھۆی رووداوێکی ھاتوچۆ لە پارێزگای زیقار باشووری عێراق، ھەشت کەس گیانیان لەدەست دا و 16ی دیکەیش برینداربوون.
سەرچاوەیەکی ئەمنی لە پارێزگای زیقار بە میدیاکانی عێراقی راگەیاندووە، پاسێک کە ھاندەرانی ھەڵبژاردەی عێراقی بۆ ئامادەبوون لە یارییەکەی ئەمڕۆی نێوان عێراق و قەتەر لە پاڵەوانێتی "25مین جامی کەنداو" بۆ بەسرە دەگواستەوە لەگەڵ بارھەڵگرێکدا لە باشووری پارێزگاکە بەریەککەوتوون.
ئاماژەی بەوەیشداوە کە بەھۆی رووداوەکەوە، ھەشت کەس گیانیان لەدەستداوە و 16ی دیکەیش برینداربوون.
باسی لەوەش کردووە، رووداوەکە بەھۆی تەمەوە لەسەر رێگای خێرای نێودەوڵەتیی باشووری زیقار روویداوە.
ئەمڕۆ دووشه‌ممه16ی1ی2023، کاتژمێر4:15ى ئێواره یاریی نێوان ھەردوو ھەڵبژاردەی عێراق و قەتەر لە قۆناغی پێش کۆتایی پاڵەوانێتی"25مین جامی کەنداو" لە یاریگای نێودەوڵەتیی بەسرە بەڕێوەدەچێت.
کۆمێنت (0)
تا ئێستا هیچ کۆمێنتێک نەکراوە.