یەکێتی ئافرەتانی کوردستان پیرۆزبایی لە کوردستان تیڤی دەکات بەبۆنەی 24ـەمین ساڵیادی دامەزراندنی و ڕایگەیاند، کوردستان تیڤی ھەمیشە بە لێھاتوویی بەرھەمەکانی پێشکەش بە بینەران کردووە.
یەکێتی ئافرەتانی کوردستان لە پەیامەکەیدا ڕایگەیاند: بەبۆنەی ساڵیادی دامەزراندنی كوردستان تیڤی، پیرۆزباییەكی گەرم لە بەرێوەبەر و سەرجەم كارمەندە ماندوونەناسەكانی دەكەین و ئومێدی سەركەوتن و پێشكەوتنی زیاترتان بۆ دەخوازین.
دەقی پەیامی پەیامی پیرۆزبایی یەكێتی ئافرەتانی كوردستان بەبۆنەی ساڵیادی دامەزراندنی كوردستان تیڤی:-
بەڕێزان بەڕێوەبەر و دەستەی بەڕێوەبردن و سەرجەم كارمەندانی دەزگای سەتەلایتی كوردستان.
بەبۆنەی ساڵیادی دامەزراندنی كوردستان تیڤی، پیرۆزباییەكی گەرم لە بەرێوەبەر و سەرجەم كارمەندە ماندوونەناسەكانی دەكەین و ئومێدی سەركەوتن و پێشكەوتنی زیاترتان بۆ دەخوازین.
كوردستان تیڤی وەك یەكەمین كەناڵی ئاسمانی كوردی توانی وەرچەرخانێكی گەورە لەشێوازی کاری میدیای كوردیدا بکات و ببێتە سەکۆیەک بۆ گەیاندنی دەنگی کورد بە جیھان.
کەناڵی ئاسمانی کوردستان تیڤی، ھەمیشە بە کارامەیی و لێھاتوویی بەرھەم و کارەکانی پێشکەش بە بینەران کردووە و ھەوڵیداوە لەگەڵ کلتور و نەریتی کوردەواری خۆی بگونجێنێت و ئینتیمای نیشتمانپەروەری لەھزری تاکی کورد دا بەھێز بکات، ھاوکات گرنگییەکی زۆری بە خێزان و پرسی ئافرەتان و لایەنی کۆمەڵایەتی داوە، ئەمەش دەبێتە شانازییەكی گەورە بۆ كارمەندە ئازیزانەكانی ئەم كەناڵە كە توانیویانە پیشەییانە کاری رۆژنامەوانی خۆیان بە ئەنجام بگەیەنن.
دووبارە ئەم یادە مەزنەتان لێ پیرۆز دەكەین و هیوای بەردەوامی و سەركەوتوونتان بۆ دەخوازین.
یەكێتی ئافرەتانی كوردستان
17ـی كانوونی دووەمی 2023
کۆمێنت (0)
تا ئێستا هیچ کۆمێنتێک نەکراوە.