مەکتەبی پارتی دیموکراتی کوردستان لە میسر بە بۆنەی 24 ساڵەی دامەزراندنی کەناڵی کوردستان تیڤی پەیامێکی پیرۆزبایی بڵاو کردەوە.
شێرکۆ حەبیب بەرپرسی مەکتەبی پارتی دیموکراتی کوردستان لە وڵاتی میسر ڕایگەیاند: بەبۆنەی ساڵیادی دامەزراندنی کوردستان تیڤی، گەرمترین و جوانترین پیرۆزبایی لە یەکە یەکەی ئێوەی بەڕێز دەکەم و بەم بۆنەیەوە هیوای هەردەم سەرکەوتن و پێشکەوتنتان بۆ دەخوازم.
دەقی ڕاگەیەنراوی بەرپرسی مەکتەبی پارتی دیموکراتی کوردستان لە وڵاتی میسر بەبۆنەی ساڵیادی دامەزراندنی کوردستان تیڤی:-
بەڕێز بەرپرسی دەزگای سەتەلایتی کوردستان
بەڕێزان کارمەند و ستافی کوردستان تیڤی
بەبۆنەی ساڵیادی دامەزراندنی کوردستان تیڤی، گەرمترین و جوانترین پیرۆزبایی لە یەکە یەکەی ئێوەی بەڕێز دەکەم و بەم بۆنەیەوە هیوای هەردەم سەرکەوتن و پێشکەوتنتان بۆ دەخوازم.
بێگومان لە ماوەی تەمەنی پڕ لە شکۆداری کوردستان تیڤی توانیویەتی کارەکانی بە شێوازێکی ڕاستگۆیانە و پڕۆفیشیناڵە ئەنجام بدات، کە ئەمەش بۆتە هۆکاری جێگەی متمانەی بینەران و چاودێران، کوردستان تیڤی لە ماوەی ڕابردوو ئەو ڕاستییەی خستەڕوو و سەلماندی کەوا کەناڵێکە خزمەتی بە دۆزی ڕەوای میللەتەکەمان کردووە چ لە ئاستی ناوەخۆ یا دەرەکی، هەڵبەتە ئەنجامدانی ئەو ئەرک و ئەو متمانە بە هەوڵی کەسانی دڵسۆز و شارەزا ئەنجام دراوە. دەستخۆشی لەسەرجەم کارمەندان و بەرپرسانی ئەو دەزگایە دەکەین هەر لە ڕۆژی دامەزراندنی تا ئەمڕۆ
دووبارە پیرۆزە و هیوادارین هەردەم سەرکەوتووبن
شێرکۆ حەبیب
بەرپرسی مەکتەبی
پارتی دیموکراتی کوردستان لە وڵاتی میسر- قاهیرە
کۆمێنت (0)
تا ئێستا هیچ کۆمێنتێک نەکراوە.