ئەمڕۆ چوارشەممە 1/18 مەسرور بارزانی سەرۆکی حکومەتی هەریمی کوردستان لە داڤۆس لەگەڵ عەبدوڵلا بن عادل فەخرۆ ، وەزیری پیشەسازی و بازرگانی بەحرەین کۆبووەوە.
لە کۆبوونەوەکەدا باس لە پەرەپێدانی پەیوەندییەکانی نێوان هەرێمی کوردستان و شانشینی بەحرەین کرا، بەتایبەتی لە بوارەکانی برەودان بە وەبەرهێنان و پیشەسازی و کشتوکاڵ و ئاڵوگۆڕی بازرگانی.
وەزیری پیشەسازی و بازرگانی بەحرەین ، سڵاووڕێزی جێنشین و سەرۆک وەزیرانی بەحرەینی شێخ سەلمان بن حەمەد ئال خەلیفە بە سەرۆکی حکومەت گەیاند و خواستی وڵاتەکەی بۆ پتەوکردنی پەیوەندییەکان لەگەڵ هەرێمی کوردستان دووپات کردەوە . وەزیری پیشەسازی و بازرگانی بەحرەین ئاماژەشی بەوە دا کە بڕیارە لەگەڵ شاندێکی گەورەی بازرگانی، سەردانی هەرێمی کوردستان بکات .
سەرۆکی حکومەت ئامادەیی هەرێمی کوردستانی بۆ برەودان بە پەیوەندییەکان لەگەڵ شانشینی بەحرەین لە هەموو بوارەکاندا دەربڕی.
سڵاو و ڕێزی جێنشین و سەرۆک وەزیرانی بەحرەین به مه‌سرور بارزانی گه‌یاندرا
سەرۆکی حکومەت لەگەڵ وەزیری پیشەسازی و بازرگانی بەحرەین کۆبووەوە
100%
کۆمێنت (0)
تا ئێستا هیچ کۆمێنتێک نەکراوە.