سەرۆکی حکوومەتی هەرێمی کوردستان ئەمڕۆ چوارشەممە 18ـی 01ـی 2023 لە داڤۆس لەگەڵ وەزیری کاروباری ئەنجوومەنی وەزیران و وەزیری ئابووری ئیمارات کۆبووەوە.
مەسرور بارزانی سەرۆکی حکوومەتی هەرێمی کوردستان لەگەڵ محەمەد قرقاوی وەزیری کاروباری ئەنجوومەنی وەزیران و عەبدوڵا بن تۆق وەزیری ئابووری دەوڵەتی ئیمارات کۆبووەوە.
لە دیدارەکەدا، گفتوگۆلەبارەی پەیوەندی و هاوئاهەنگیی بەهێزی نێوان هەرێمی کوردستان و ئیمارات کرا، بەتایبەتی لە بوارەکانی ئابووری و ئاڵوگۆڕی بازرگانی و کشتوکاڵ و گەشتوگوزار و حوکمڕانیی ئەلیکترۆنی.
تەوەرێکی دیکەی کۆبوونەوەکە، تایبەت بوو بە چۆنییەتی سوودوەرگرتنی هەرێمی کوردستان لە ئەزموونی سەرکەوتووی ئیمارات و بەتایبەتیش دوبەی، لە بواری گەشەپێدانی ئابووری و پێشخستنی توانا مرۆیی و کارگێڕییەکانی حکوومەتی هەرێمی کوردستان.
کۆمێنت (0)
تا ئێستا هیچ کۆمێنتێک نەکراوە.