ڕێكخراوی تیرۆریستی داعش به‌رپرسیاره‌تی كوشتنی دوو پۆلیسه‌كه‌ی ئه‌مڕۆی شاری كه‌ركووكی گرته ئه‌ستۆ.
به‌ره‌به‌یانی ئه‌مڕۆ چوارشه‌م له‌سه‌ر ڕێگه‌ی حه‌واڵی – سلێمانی له سنووری پارێزگای كه‌ركووك، هێرشكرایه سه‌ر ده‌ورییه‌كی پۆلیس و له ئه‌نجامیشدا ئه‌فسه‌رێك و شۆفێره‌كه‌ی سه‌ر به پۆلیسی فریاكه‌وتن كوژران.
پێشتر ڕاگه‌یه‌نرابوو كه چه‌ند چه‌كدارێكی نه‌ناسراو له‌سه‌ر ڕێگه‌ی حه‌واڵی – سلێمانی بۆسه‌یان بۆ ئۆتۆمبێله‌كه‌ی پۆلیسی فریاكه‌وتنی كه‌ركووك دانابووه‌وه و له ئه‌نجامی ته‌قه‌كردنیشدا ئه‌فسه‌رێك به پله‌ی موقه‌ده‌م و شوفێره‌كه‌ی ڕاسته‌وخۆ گیانیان له‌ده‌ستداوه.
ڕێكخراوی تیرۆریستی داعش به‌رپرسیاره‌تی ئه‌نجامدانی كرده‌وه تیرۆریستییه‌كه‌ی له ئه‌ستۆ گرت و هه‌روه‌ها ڤیدیۆی ساتی كوشتنی هه‌ردوو پۆلیسه‌كه‌شی بڵاو كرده‌وه.
کۆمێنت (0)
تا ئێستا هیچ کۆمێنتێک نەکراوە.