به‌ڕێوه‌به‌رایه‌تی پۆلیسی ڕاپه‌ڕین ئاشكرای كرد كه له قه‌ڵادزێ ئۆتۆمبێل له منداڵێكی داوه، به‌ڵام ناو و ناونیشانی منداڵه‌كه دیار نییه و داواشی كرد كه هه‌ر كه‌سێك ده‌یناسێ كه‌سوكاری لێ ئاگادار بكاته‌وه.
پۆلیسی ڕاپه‌ڕین بڵاوی كرده‌وه: پاش نیوه‌ڕۆی ئه‌مڕۆ پێنجشه‌م ئۆتۆمبێلێکی جۆری (کیا) لەسەر پردی قەڵادزێ خۆی کێشا بەم منداڵە کە ناو و ناونیشانی نازانرێ.
بڵاویشی كرده‌وه: دوای وه‌رگرتنی چارەسەری سەرەتایی بۆ منداڵه‌كه بەڕێ کرا بۆ سلێمانی.
پۆلیسی راپه‌ڕین داواشی كرد كه هەرکەسێک منداڵه‌كه دەناسێ، با کەسوکاری لێ ئاگادار بکاتەوە و سەردانی بنکەی پۆلیسی نەخۆشخانە بکەن.
ئاماژه‌ی به‌وه‌ش دا كه دوایی ڕووداوەکە، دادوەر بە ماددەی 23 لە یاسایی هاتووچۆ شۆفێری ئۆتۆمبێلەکەی ڕاگیر کرد و دەستیش گیراوه بەسەر ئۆتۆمبێلەکەیدا، هه‌روه‌ها پەڕاوی لێکۆڵینەوەش بۆ ڕووداوەکە ڕێکخراوە.
کۆمێنت (0)
تا ئێستا هیچ کۆمێنتێک نەکراوە.