سه‌رۆك بارزانی په‌یامێكی له‌سه‌ر ڕووداوه‌كه‌ی شه‌وی ڕابردووی پارێزگای مێردینی توركیا بڵاو كرده‌وه كه بووه هۆی گیانله‌ده‌ستدانی 5 هاووڵاتی هه‌رێمی كوردستان و ڕایگه‌یاند كه ڕووداوه‌كه زۆر خه‌مباری كردم.
سه‌رۆك بارزانی له په‌یامه‌كه‌دا داواشی كرد هه‌وڵی جددی بدرێ بۆ ئه‌وه‌ی ڕاستییه‌كانی ڕووداوه‌كه ئاشكرا بكرێن و تاوانبارانیش به سزای خۆیان بگه‌ن.
ده‌قی په‌یامه‌كه‌ی سه‌رۆكی بارزانی:-
بەناوی خودای مەزن و دلۆڤان
بە ڕووداوی هێرشكردنە سەر چەند هاووڵاتیی هەرێمی كوردستان لە پارێزگای مێردینی توركیا زۆر خەمبارم. سەرەخۆشی لە خانەوادە و كەسوكاری قوربانیانی ئەو پەلامارە دەكەم و خۆم بە هاوبەشی خەمیان دەزانم.
لەوە دڵنیام حكوومەتی هەرێمی كوردستان لەگەڵ لایەنە پەیوەندیدارەكانی توركیا هەوڵی جددی و تەواوی خۆی دەدات بۆ ئەوەی ڕاستییەكانی ئەو ڕووداوە ئاشكرا بكرێن و ئەنجامدەرانی ئەو تاوانە بدۆزرێنەوە و بە سزای خۆیان بگەن.
مسعود بارزانی
19ی كانوونی دووەمی 2023
کۆمێنت (0)
تا ئێستا هیچ کۆمێنتێک نەکراوە.