ئه‌مڕۆ هه‌ینی تیروپشكی یارییه‌كانی قۆناغی چواریه‌كی كۆتای جامی شای ئیسپانیا به‌ڕێوه‌چوو و له یاریی لووتكه‌شدا هه‌ردوو یانه‌ی ریال مه‌درید و ئه‌تله‌تیكۆ مه‌درید ڕووبه‌ڕوو ده‌بنه‌وه.
قۆناغی چواریه‌كی كۆتایی جامی شای ئیسپانیا كه له 8 یانه پێكهاتوون، تیروپشكه‌كه به‌مشێوه‌ی خواره‌وه بوو:-
ریال مه‌درید – ئه‌تله‌تیكۆ مه‌درید
ئۆساسۆنا – سڤیلییه
ڤالێنسیا – ئه‌تله‌تیك بیلباو
به‌رشه‌لۆنه - ریال سۆسیداد
به‌گوێره‌ی سیسته‌می تیروپشكه‌كه، سه‌رجه‌م یارییه‌كانی قۆناغه‌كه به‌یه‌ك یاریی به‌ڕێوه ده‌چێت و له‌نێو یاریگه‌ی ئه‌و یانه‌یه‌ی كه له پێشه‌وه ناوی هاتووه.
واته یاریی نێوان ریال مه‌درید و ئه‌تله‌تیكۆ مه‌درید له‌سه‌ر یاریگه‌ی سانتیاگۆ بێرنابیۆ به‌ڕێوه ده‌چێت، هه‌روه‌ها یانه‌ی به‌رشه‌لۆنه‌ش له‌نێو یاریگه‌ی كامپ نوو به‌رامبه‌ر یانه‌ی ریال سۆسیداد یاری ده‌كات.
کۆمێنت (0)
تا ئێستا هیچ کۆمێنتێک نەکراوە.