ئه‌مڕۆ یه‌كشه‌م لەنێو نەخۆشخانەی هیوا بۆ چارەسەری تووشبووانی شێرپەنجە لە شاری سلێمانی، قوتابییه‌كی پۆلی یازده‌ی ئامادەیی تاقیکردنەوەکانی ئەنجام دا .
به‌ڕێوه‌به‌رایه‌تی گشتی ته‌ندروستی سلێمانی بڵاوی كرده‌وه: دوای ئەوەی قوتابییه‌كی پۆلی یانزەمی ئامادەیی لە شاری کۆیە لە کاتی تاقیکردنەوەکانی کۆتایی وەرزی یەکەمی ئەمساڵی خوێندن نەخۆش دەکەوێت و لە نەخۆشخانەی هیوا لە شاری سلێمانی دەمێنێتەوە لەو کاتە هەردوو بابەتی (ئایین و فیزیا)ی دەمینێت تاقیکردنەوەی لێ بکات، لەبەر باری تەندروستی وەرگرتنی چارەسەری کیمیایی لەژێر چاودێری پزیشکی دەبێت لەنەخۆشخانە بمێنێتەوە.
بڵاویشی كرده‌وه: بەڵام قوتابییه‌كه بەردەوام ئەوە بە پزیشکان و کەسوکاری ڕادەگەیەنێت کە تاقیکردنەوە لەو دوو بابەت نەکات ئاسوودە نابێت .
ئاماژه‌ی به‌وه‌ش دا: دواتر باوکی سەردانی بەڕێوەبەرایەتی پەروەردەی کۆیە دەکات و داواکارییەك دەگەیێنێتە بەڕێوەبەری پەروەردەی کۆیە و له‌وێش داواکارییەکە بە وەزیری پەروەردە ڕادەگەیێنرێت و وەزیری پەروەردەش بڕیار دەدات پرسیاری تاقیکردنەوەکانی بۆ بەرنە نەخۆشخانەی هیوا لەوێ تاقیکردنەوەکان ئەنجام بدات .
جه‌ختیشی كرده‌وه كه ئەمڕۆ یەکشەم بە ئامادەبوونی بەڕێوەبەری پەروەردەی کۆیە و بەشێك لە لێپرسراونی پەروەردەی کۆیە، قوتابییه‌كه تاقیکردنەوەکانی لەناو نەخۆشخانەی هیوا ئەنجام دا.
کۆمێنت (0)
تا ئێستا هیچ کۆمێنتێک نەکراوە.