ڕێكخراوی كوردستان فۆتۆ داوای له سه‌رجه‌م فۆتۆگرافه‌ران كرد به‌شداری له فێستیڤاڵی فۆتۆی گه‌شتیاری ساڵ بكه‌ن كه بڕیاره له هه‌ولێر و به‌غدا ئه‌نجام بدرێت.
ڕێكخراوه‌كه له بڵاوكراوه‌یه‌كدا ڕایگه‌یاند: لە هەشتەمین ساڵیادی ڕێكخراوی (كوردستان فۆتۆ)، بانگهێشتی سەرجەم فۆتۆگرافەرانی خاوەن خولیا لە هەر سێ بواری "سروشت و شوێنەوار و كەلتوور" دەكەین بۆ بەشداریكردن لە فیستیڤاڵی فۆتۆی گەشتیاری ساڵ كە لە هەولێر و بەغداد ئەنجام دەدرێت.
جه‌ختیشی كرده‌وه كه له‌نێو پێشانگاكه‌دا براوه‌كانی یه‌كه‌م و دووه‌م و سێیه‌می هه‌رسێ بواره‌كه، به فه‌رمی ڕێزیان لێ ده‌گیرێت،
بۆ به‌شداریكردن له فێستیڤاڵه‌كه، ڕێكخراوی كوردستان فۆتۆ داوای له فۆتۆگرافەران كرد كه ئه‌و وێنانه‌ی ده‌ینێرن بێ لۆگۆ بێت و هه‌روه‌ها لە هیچ پێشانگە و شوێنێك نمایش نەكرابێت.
ئاماژه‌شی دا كه ڕێكه‌وتی 7/2/2023 دوا واده ده‌بێت بۆ وه‌رگرتنی وێنه‌كان.
کۆمێنت (0)
تا ئێستا هیچ کۆمێنتێک نەکراوە.