سه‌رۆكی هاوپه‌یمانی سیاده په‌یامێكی سه‌باره‌ت به بڕیاره‌كه‌ی ئه‌مڕۆی دادگای فیدڕالی عێراق و ڕێگریكردن له ناردنی پاره بۆ هه‌رێمی كوردستان بڵاو كرده‌وه و ڕایگه‌یاند كه كوردستان گه‌لی ئێمه‌یه و كه‌س ناتوانێت ده‌ست بۆ بژێوی و سامانیان به‌رێت.
خه‌میس خه‌نجه‌ر سه‌رۆكی هاوپه‌یمانی سیاده ئه‌مشه‌و چوارشه‌م له تویتێكدا ڕایگه‌یاند: هێزه نیشتمانییه‌كان له ماوه‌ی ڕابردوودا بۆ گه‌یشتن به ڕێژه‌یه‌كی ماقووڵی سه‌قامگیری له وڵات هه‌وڵی زۆریان دا، و هیچ دامه‌زراوه‌یه‌ك له عێراق ناتوانێت جارێكی دیكه هه‌ڕه‌شه له‌م سه‌قامگیرییه بكات.
ئاماژه‌ی به‌وه‌ش دا: كوردستان گه‌لی ئێمه‌یه و هیچ كه‌س و لایه‌نێك ناتوانێت ده‌ست بۆ بژێوی و سامانیان ببات به شێوه‌یه‌ك كه پێچه‌ونه‌ی ئه‌و تێگه‌یشتنه سیاسییه بێت كه حكوومه‌تی ئێستای عێراقی له‌سه‌ر دامه‌زراوه.
کۆمێنت (0)
تا ئێستا هیچ کۆمێنتێک نەکراوە.