له قه‌زای مه‌خموور له‌سه‌ر بوودجه‌ی پارێزگای هه‌ولێر 2 پڕۆژه‌ی گرنگی خزمه‌تگوزاری بۆ هاووڵاتییان جێ به‌جێ ده‌كرێت.
زیره‌ك حه‌سه‌ن به‌ڕێوه‌به‌ری شاره‌وانی قه‌زای مه‌خموور به‌كوردستان تیڤی راگه‌یاند:
له‌سه‌ر بوودجه‌ی پارێزگای هه‌ولێر دوو پرۆژه‌ی گرنگ له‌ناوچه‌كه‌مان جێ به‌جێ ده‌كرێت، ئه‌م پڕۆژانه‌ش گرنگییه‌كی زیاتر به‌ئاوه‌دانی و پێشكه‌وتنێكی باشتر به‌ناوچه‌كه ده‌دات.
گوتیشی، جێ به‌جێ كردنی هه‌ردوو پڕۆژه‌ی سه‌ربرخانه و دروست كردنی كۆنكرێت كردنی ریگای وێستگه ی كاره‌بای مخمور ، ناوچه‌كه ئاوه‌دانییه‌كی زیاتر ڕووی تێده‌كات و سوپاسی پارێزگای هه‌ولێر و كابینه‌ی نۆیه‌می حكوومه‌تی هه‌رێم ده‌كه‌ین كه‌خه‌رجی ئه‌م دوو پڕۆژه‌یه‌ی گرتووه‌ته ئه‌ستۆ وه‌ك سه‌رجه‌م پڕۆژه‌كانی دیكه‌ی سنووره‌كه بوودجه‌ی بۆ پڕۆژه‌كان ته‌رخانكردووه، بێگومان ئه‌مه‌ش جێگای سوپاس و پێزانینی هاووڵاتییانی ناوچه‌كه‌یه بۆ پارێزگا و كابینه‌ی نۆیه‌می حكوومه‌ت كه به‌پڕۆژه‌كانیان له‌م سنووره‌دا ناوچه‌كه ئاوه‌دانییه‌كی باشتر به‌خۆوه ده‌بینێت.
له‌كۆتاییدا به‌رێوه‌به‌ری شاره‌وانی قه‌زای مه‌خموور گوتیشی، پڕۆژه كۆنكرێت كردنی رێگای وێستگه‌ی كاره‌با به‌گوژمه‌ی 262 ملیۆن دینار و سه‌ربڕخانه‌ی مه‌خموریش به‌گوژمه‌ی 50 هه‌زار دۆلار جێ به‌جێ ده‌كرێت.
كارزان كاكل - مه‌خمور
کۆمێنت (0)
تا ئێستا هیچ کۆمێنتێک نەکراوە.