به‌ڕێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێمی كوردستان ڕه‌وشی كه‌شوهه‌وای پێشبینیكراوی ئه‌مڕۆ هه‌ینی و سبه‌ی شه‌مووی شاره‌كانی بڵاو كرده‌وه و تێیدا ئه‌وه‌ی خسته‌ڕوو كه بارانبارین له ناو شاره‌كان و به‌فربارینیش له ناوچه شاخاوییه‌كان ده‌ستپێده‌كات.
كه‌شناسی سه‌باره‌ت به ڕه‌وشی كه‌شوهه‌وای ئه‌مرۆ هه‌ینی ڕایگه‌یاند: ئاسمان نیمچەهەور دەبێت و لە ناوچە شاخاوییەکان بۆ هەوری تەواو دەبێت، پله‌كانی گه‌رماش به ڕیژه‌ی 1-2 پله له‌چاو تۆماركراوه‌كانی دوێنێ پێنجشه‌م داده‌به‌زن.
ڕاشیگه‌یاند: خێرایی با له‌سه‌رخۆ و مامناوه‌ند ده‌بێت و ئاراسته‌كه‌شی گۆڕاو ده‌بێت، هه‌روه‌ها مه‌ودای بینینش له‌نێوان 8-10 كم ده‌بێت.
سه‌باره‌ت به ڕه‌وشی كه‌شوهه‌وای سبه‌ی شه‌موو، كه‌شناسی ئاماژه‌ی به‌وه دا: ئاسمان نیمچەهەور بۆ هەوری تەواو دەگۆڕێت لەگەل دابارینی نمەبارانی کەم کەم، هەروەها لە ناوچە شاخاوییەکان بەفربارین ده‌ستپێده‌كات و سەرەتا لە ناوچەکانی رۆژئاوای هەرێم ده‌بارێت پاشان زۆربەی ناوچەی جیاجیاکانی هەرێمی کوردستان دەگرێتەوە، ئه‌مه جگه له‌وه‌ی كه لە کاتەکانی درەنگانی شەو کاریگەری دابارین زیاتر دەبێ.
هه‌روه‌ها ڕایگه‌یاند: پله‌كانی گه‌رما هێشتا نزمتر ده‌بنه‌وه و 1 تا 2 پله له‌چاو ئه‌مڕۆ هه‌ینی نزمتر ده‌بن.
ئاماژه‌ی به‌وه‌ش دا كه خێرایی با له‌سه‌رخۆ و مامناوه‌ند ده‌بێت و ئاراسته‌كه‌شی به‌ره‌و باشووری خۆرهه‌ڵات ده‌بێت، مه‌ودای بینینیش كه‌متر ده‌بنه‌وه بۆ 7 – 9 كم و له ناوچه‌كانی دابارینیش هێشتا كه‌متر ده‌بنه‌وه بۆ 5 – 7 كم.
كه‌شناسی بەرزترین پلەکانی گەرمای پێشبینیکراوی به‌مشێوه‌ی خواره‌وه دیاری كرد:-
هەولێر: 12 پلەى سیلیزى
سلێمانی: 10 پلەى سیلیزى
دهۆک: 10 پلەى سیلیزى
کەرکووک: 14 پلەى سیلیزى
هەڵەبجە: 9 پلەى سیلیزى
زاخۆ: 11 پلەى سیلیزى
سۆران: 8 پلەى سیلیزى
گەرمیان: 15 پلەى سیلیزى
کۆمێنت (0)
تا ئێستا هیچ کۆمێنتێک نەکراوە.