سەرۆکی هەرێمی کوردستان بۆ کۆچی دوایی نووسەر و توێژەرێکی میسڕی پەیامێکی بڵاو کردەوە و سەرەخۆشی ئاراستەی خانەوادەکەی دەکات.
نێچیرڤان بارزانی سەرۆکی هەرێمی کوردستان ڕایگەیاند: بەداخێکی زۆرەوە هەواڵی کۆچی دوایی پڕۆفیسۆر ڕجائی فاید نووسەر و توێژەر و بەرپرسی ناوەندیی میسری بۆ لێکۆڵینەوە و توێژینەوەی کوردـیم پێگەیشت.
ڕاشیگەیاند: بە کۆچی دوایی ئەم نووسەرە، خەڵکی کوردستان دۆست و لایەنگرێکی دڵسۆزی دۆزی دادپەروەری خۆیان لەدەست دا.
سەرۆکی هەرێمی کوردستان ئاماژەی بەوەش دا کە پرسە و سەرەخۆشی قووڵم بە خانەوادەکەی و ئازیزانی ڕادەگەیەنم، بەو هیوایەی خودای گەورە بە ڕەحمەتی خۆی، ڕۆحی شاد بکات و ئارامی و دڵنەوایی بە هەموو لایەک ببەخشێت.
ڕجائی فاید، لە ساڵی 1943 لە میسر لەدایکبووە، نووسەر و شرۆڤەکاری سیاسیی ، هەروەها بەرپرسی ناوەندیی میسڕ بۆ لێکۆڵینەوە و توێژینەوەی کوردی و ئەندامی ئەنجوومەن بۆ کاروباری دەرەوەی میسڕ بووە، لەگەڵ خێزانەکەی 9 ساڵ لە شاری هەولێر ژیاوە و توێژینەوەی لەسەر کیمیابارانی هەڵەبجە و ئەنفال هەیە.
کۆمێنت (0)
تا ئێستا هیچ کۆمێنتێک نەکراوە.