کەشناسی: سبەی لە سەنتەری شاری سلێمانی بەفر دەبارێت

کەشناسی هەرێمی کوردستان ڕایگەیاند، سبەی یەکشەممە 29ـی 01ـی 2023 لە کاتەکانی شەودا ئەگەری بارینی بەفر لە سەنتەری شاری سلێمانی هەیە.

بەشی پێشبینییەکانی کەشناسی هەرێمی کوردستان سەبارەت بە کەشوهەوای سبەی ڕایگەیاند: کەشی ئاسمان هەوری تەواو دەبێت لەگەڵ بارینی نمە باران لە هەندێ شوێن، لە ناوچە شاخاوییەکان بەفر و باران دەبارێت.

ڕاشیگەیاند: لە کاتەکانی شەودا ئەگەر هەیە بەفربارین سەنتەری شاری سلێمانی بگرێتەوە، هەروەها خێرایى با 10 - 20  کیلۆمەتر لە کاتژمێرێک دەبێت، ئاراستەی با لە باشوورى خۆرهەڵات دەبێت و مەوداى بینین 7 - 9 کیلۆمەتر دەبێت.

کەشناسی بەرزترین پلەکانی گەرمای پێشبینیکراوی سبەی یەکشەممە بە پلەی سیلیزی بەمشێوەیە خستووەتەڕوو:-

هەولێر : 13

سلێمانی : 11

دهۆک : 12

کەرکووک : 16

هەڵەبجە : 11

زاخۆ : 13

سۆران : 9

گەرمیان : 18