مانچستەر یونایتد سەرکەوت بۆ قۆناغی پێنجەمی جامی یەکێتیی ئینگلتەرا

یانەی مانچستەر یونایتد سەرکەوت بۆ قۆناغی پێنجەمی جامی یەکێتیی ئینگلتەرا دوای ئەوەی لە یاریگای خۆیدا، بە سێ گۆڵ بەرامبەربە گۆڵێک لە یانەی ریدینگ-ی بردەوە.

لە یاری قۆناغی چوارەمدا لە یاریگای ئۆڵدترافۆرد، شەیتانە سوورەکان رووبەڕووی یانەی ریدینگ بوونەوە.

لە خولەکەکانی 54 و 58دا، کارلۆس کاسیمیرۆ و لە خولەکی 66دا، فرێد گۆڵەکانی یانەی مانچستەر یونایتدیان تۆمار کرد.

لە خولەکی 72یشدا، ئامادۆ سەلیف مبێنگوێ تاکە گۆڵەکەی ریدینگ-ی تۆمار کرد.

لە یارییەکی دیکەی هەمان قۆناغدا، تۆتنهام بە ئەنجامی 3-0 سەرکەوتنی بەسەر پرێستۆن نۆرس ئێند تۆمار کرد، گۆڵەکانی تۆتنهام لە رێگەی یاریزانان سۆن هیونگ مین لە خولەکەکانی 50 و 69، و ئارنۆت دانجوما لە خولەکی 87 تۆمار کران.

ئەنجامی یارییەکانی دیکەی هەمان قۆناغ بەم شێوەیە بوون:

لیستەر سیتی1-0 والساڵ.

لیدز یونایتد  3-1 ئەکرینگتۆن.

ساوسهامپتۆن  2-1 بلاکپول.

بریستۆڵ سیتی  3-0 وێست برۆمیچ ئەلبیون.