پێشنیوەڕۆی ئەمڕۆ دووشەممە 30ـی 01ـی 2023 قوتابخانەی وەسانی بنەڕەتی تێکەڵاو لە گوندی وەسانی سەر بە ناحییەی قەسرێ لە قەزای چۆمان ئاگری گرت و ژوورێکی قوتابخانەکە بە تەواوی سووتا.
چەتۆ ئەحمەد، بەڕێوەبەری پەروەردەی چۆمان سەبارەت بە هۆکاری ئاگرکەوتنەوەکە بە (کوردستان تیڤی) ڕاگەیاند: هۆکاری ئاگرەکە تەقینی سۆپا بووە لە ژووری مامۆستایانی قوتابخانەی وەسانی بنەڕەتی تێکەڵاو کە سەر بە بەڕێوەبەرایەتی پەروەردەکەمانە.
لەبارەی زەرەر و زیانەکان ڕاشیگەیاند: خۆشبەختانە سەرجەم قوتابییان و مامۆستا و فەرمانبەرانی قوتابخانەکە سەلامەتن، تەنیا زیانی ماددی بەر قوتابخانەکەمان کەوتووە.
بەڕێوەبەری پەروەردەی چۆمان ئاماژەی بەوەش دا کە "لە کاتی کەوتنەوەی ئاگرەکە بە هاوکاری خەڵک و مامۆستایان و تیمی بەرگری شارستانی قەسرێ، توانرا زوو ئاگرەکە کۆنتڕۆڵ بکرێت."
پەیامنێر: کەریم سمکۆ
کۆمێنت (0)
تا ئێستا هیچ کۆمێنتێک نەکراوە.