سەرۆکایەتی ئەنجوومەنی وەزیرانی هەرێمی کوردستان ئاشکرای کرد کە ساڵی ڕابردوو مامەڵەی 96%ـی نووسراوە فەرمییەكانی ئەنجوومەنی وەزیران تەواو كراون.
سەرۆکایەتیی دیوانی ئەنجوومەنی وەزیران ڕایگەیاند: لە ماوەی ساڵی 2022، لە کۆی 24.425 نووسراوی ھاتوو، لە ڕووی کارگێری یاساییەوە توانراوە 23.535 نووسراو کاریان لەسەر بکرێت و تەواو بکرێن، کە دەکاتە ڕێژەی 96%ـی ئەو نووسراوانەی ھاتوون.
ڕاشیگەیاند: ئەو نووسراوانەی کە تا ئێستا کاریان لەسەر دەکرێت یاخود تەواو نەبوون، 890 نووسراون، کە دەکاتە ڕێژەی 4%ـی نووسراوەكان.
سەرۆکایەتیی دیوانی ئەنجوومەنی وەزیران لە ڕاگەیەنراوەکەیدا جەختی لە خزمەتکردنی ھاووڵاتییانی ھەرێمی کوردستان کردۆتەوە و دڵنیایی لەسەر کارکردن و جێبەجێکردنی تەواوی مامەڵەکان بە گوێرەی یاسا و ڕێنماییەکان دەدات.
کۆمێنت (0)
تا ئێستا هیچ کۆمێنتێک نەکراوە.