به‌ڕێوه‌به‌رایه‌تی گشتی په‌روه‌رده‌ی گه‌رمیان ڕایگه‌یاند كه سبه‌ی سێشه‌م له سه‌رجه‌م قوتابخانه‌ی گونده‌كانی سنووره‌كه‌یان پشووه به‌هۆی خراپی كه‌شوهه‌واوه.
به‌ڕێوه‌به‌رایه‌تی گشتی په‌روه‌رده‌ی گه‌رمیان له ئاگادارییه‌كدا ڕایگه‌یاند: بە لەبەرچاوگرتنی ڕەوشی کەشوهەوا و بارانبارینه‌وه، سبەی سێشەم ڕێکەوتی (31 / 1 / 2023) پشووی فه‌رمییه له سەرجەم قوتابخانەکانی دەرەوەی شار (گوندەکان) کە دوورن لە ڕێگه‌ی سەرەکییەوە، واتا ڕێگاکەیان خۆڵ و گڵه.
ئه‌مه له‌كاتێكدایه كه له دوێنێ یه‌كشه‌مه‌وه شه‌پۆڵێكی به‌فر و باران بارین ڕووی له ناوچه‌كانی هه‌رێمی كوردستان كردووه و هه‌روه‌ها له ناوچه شاخاوییه‌كان به‌فرێكی زۆریش باریوه و پله‌كانی گه‌رماش به‌شێوه‌یه‌كی به‌رچاو دابه‌زیوه، به‌گوێره‌ی پێشبینییه‌كانی به‌ڕێوه‌به‌رایه‌تی كه‌شناسی ئه‌م كه‌شوهه‌وا ناله‌باره تا كۆتایی ئه‌م هه‌فته‌یه به‌رده‌وامی ده‌بێت.
کۆمێنت (0)
تا ئێستا هیچ کۆمێنتێک نەکراوە.