سبه‌ی شاندێكی پارتی سه‌ردانی یه‌كگرتوو و كۆمه‌ڵه‌ی دادگه‌ری ده‌كات

به‌رپرسێكی پارتی ئاشكرای كرد كه‌ سبه‌ی سێشه‌م شاندێكی باڵای پارتی دیموكراتی كوردستان سه‌ردانی هه‌ریه‌ك له‌ یه‌كگرتوو ئیسلامی كوردستان و كۆمه‌ڵه‌ی دادگه‌ری كوردستان ده‌كات.

عومه‌ر به‌كر به‌رپرسی په‌یوه‌ندییه‌كان له‌ به‌شی رۆشنبیری و ڕاگه‌یاندنی پارتی تایبه‌ت بۆ (كوردستان تیڤی) ڕایگه‌یاند: لە چوارچێوه‌ی سەردانه‌كانی پارتی دیموکراتی کوردستان بۆ لای لایەنە سیاسییەکانی ھەرێمی کوردستان، سبه‌ی سێشه‌م شاندێکی باڵای پارتی سەردانی یەکگرتووی ئیسلامی کوردستان و کۆمەڵی دادگەری کوردستان ده‌کات.

ئاماژه‌ی به‌وه‌ش دا كه‌ شانده‌كه‌ی پارتی له‌ سه‌ردانه‌كه‌ی سبه‌یدا سه‌ره‌تا ده‌چێته‌ لای یه‌كگرتووی ئیسلامی كوردستان و دواتریش سه‌ردانی كۆمه‌ڵه‌ی دادگه‌ری كوردستان ده‌كات.