کەسایەتی ئایینی، مەولانا عەبدولمەجید مورادزەهی کە راوێژکاری وتارخوێنی هەیینی شاری زاهیدانی ئێران، مەولەوی عەبدولحەمید ئیسماعیلزەهی-ە، دەستبەسەر کرا.
ئاژانسی هەواڵیی فەرمی ئێران بڵاوی کردەوە، مورادزەهی بەتۆمەتی ''بەدرۆخستنەوەی رای گشتیی، هاندان، دروستکردنی پەیوەندی لەگەڵ میدیای بیانیی و کەسانی بیانییدا'' دەستبەسەر کراوە.
پەیچی تێلێگرامی رێکخراوی چالاکوانانی بەلوج بڵاوی کردەوە کە مورادزەهی لە کاتی گەڕانەوەی بۆ ماڵ دەستبەسەر کراوە و براوە بۆ شوێنێکی نادیار.
چەناڵی تێلێگرامی سوننی ئۆنڵاین بڵاوی کردەوە کە مەولانا عەبدولمەجید مورادزەهی لە پاش رووداوی ''هەیینی خوێناوی'' زاهیدان، زانیاری داوە بە میدیاکان و لێدوانی داوە.
30ی ئەیلوولی ساڵی رابردوو لە پارێزگای سیستان-بەلوچستان باشووری رۆژهەلاتی ئێران کە زۆرینەی دانیشتوانەکەی سوننە مەزهەبن لە میانی نوێژی هەیینیدا، پێکدادان لە نێوان خۆپیشاندەران و هێزە ئەمنییەکان ئێران دروست بوو کە کوژرانی ژمارەیەکی زۆر کەسی لێکەوتەوە.
کۆمێنت (0)
تا ئێستا هیچ کۆمێنتێک نەکراوە.