ئه‌مرۆ له‌خولی عێراقدا یانه‌ی دهۆك میوانداری یانه‌ی قاسم ده‌كات

له‌چوارچێوه‌ی یاریه‌كانی گه‌ری چوارده‌هه‌می خولی نایابی عێراق، كاتژمێر چوار و نیوی دوای نیوه‌رۆی ئه‌مرۆ سێشه‌ممه‌31ى1ى2023 له‌سه‌ر یاریگای دهۆك، یانه‌ی دهۆك میوانداری یانه‌ی قاسم ده‌كات.
 به‌ر له‌به‌ڕێوه‌چوونی ئه‌م یاریه‌ یانه‌ی دهۆك بیست و یه‌ك خالی هه‌یه‌ و له‌خانه‌ی هه‌شته‌می ریزبه‌ندی دێت، له‌به‌رامبه‌ردا یانه‌ی قاسم سێزده‌ خالی هه‌یه‌ و له‌خانه‌ی چوارده‌هه‌می ریزبه‌ندی دێت، دهۆك چاوی له‌سێ خالی یاریه‌كه‌، چونكه‌ جیاوازی دهۆك له‌گه‌ڵ پێشه‌نگی ریزبه‌ندی ته‌نیا حه‌وت خاڵه‌، بۆیه‌ كورانی سلێمان ره‌مه‌زان له‌ هه‌ولی كه‌مكردنه‌وه‌ی جیاوازی خاڵه‌كان له‌گه‌ڵ پێشه‌نگی ریزبه‌ندی و ركابه‌ریكردن له‌سه‌ر یانه‌كانی پێشه‌وه‌.
له‌به‌رامبه‌ردا یانه‌ی قاسم هه‌وڵ ده‌دات به‌ئه‌نجامێكی باش بگه‌رێته‌وه‌ بۆ ئه‌وه‌ی خۆی له‌ناوچه‌ی دابه‌زین به‌دوور بگرێت.