به‌ئاماده‌بوونی مه‌سرور بارزانی ڕێوڕەسمی ساڵیادی شەهیدانی یەکی شوبات بەڕێوەدەچێت

بە ئامادەبوونی مه‌سرور بارزانی سەرۆکی حکومەتی هەرێمی کوردستان ، ڕێوڕەسمی ساڵیادی شەهیدانی یەکی شوبات بەڕێوەدەچێت.

ئەمڕۆ چوارشەممە 2/1 , کاتژمێر 9:30 بە ئامادەبوونی مەسرور بارزانی سەرۆکی حکومەتی هەرێمی کوردستان ، ڕێوڕەسمی ساڵیادی شەهیدانی یەکی شوبات لە هەولێر بەڕێوەدەچێ .

19 ساڵ لەمەوبەر و لە ڕۆژى 1ى شوباتى ساڵى 2004 تیرۆریستان لە دوو کردەوەى خۆکوژیدا لە شارى هەولێرى پایتەختى هەرێمى کوردستان (103) بەرپرسى حکوومى و سەرکردە و کادیر و پێشمەرگە و هاووڵاتییان شەهید کرد و ژمارەیەکى تریش بریندار بوون.

 له‌ راگه‌یاندراوێكیشدا وەزارەتى کاروبارى شەهیدان و ئەنفالکراوان بڵاویكرده‌وه‌:  پێش(19)ساڵ و لە رێکكەوتی (1)ـی شوباتى ساڵى 2004، تیرۆریستانی تاریک ویست، لە دوو کردەوەى خۆکوژیدا لە شارى هەولێر، (103)بەرپرسى حکومى، سەرکردە، کادیر، پێشمەرگە و هاووڵاتییانیان شەهیدکرد و ژمارەیەکى دیكه‌ش برینداربوون.
 ئاماژه‌ به‌وه‌شكراوه‌، ئەگەر چى تیرۆریستان ئەو کارە قێزەوونەیان بۆ تێکدانى ئاشتى و گیانى لێبوردەیى و خۆشییەکانى جەژن بوو، بەڵام خوێنى شەهیدان و قوربانییەکان بوونە هەوێنى بەهێزکردنى گیانى پێکەوەژیان و سه‌روه‌ری كوردستان.