روونكردنەوەیەك لە وەزارەتی سامانە سروشتییەكانەوە

وه‌زاره‌تی سامانه‌ سروشتییه‌كانی حكوومه‌تی هه‌رێمی كوردستان روونكردنه‌وه‌یه‌كی سه‌باره‌ت به‌دابه‌شكردنی نه‌وت به‌سه‌ر خێزانی هه‌ژار و كه‌مده‌رامه‌ت بڵاوكرده‌وه‌.
ئه‌مڕۆ پێنجشه‌ممه‌2ی2ی2023، له‌ روونكردنه‌وه‌یه‌كدا وه‌زاره‌تی سامانه‌ سروشتییه‌كان بڵاویكرده‌وه‌: پاش گەیشتنی 60 تەنكەر بەبڕی 2 ملیۆن لیتر نەوتی سپی بەبێ بەرامبەر لەلایەن حكومەتی عێراقی فیدراڵەوە،  20 تەنكەر رەوانەی كۆگاكانی نەوت و كانزاكانی پارێزگای هەولێر و  ئیدارەی سۆران و  30 تەنكەری رەوانەی پارێزگاكانی سلێمانی و هەڵەبجەو هەردوو ئیدارەی گەرمیان و راپەرین و  10 تەنكەر بۆ پارێزگای دهۆك و ئیدارەی زاخۆ كرا.
وه‌زاره‌ت ئاماژه‌ی به‌وه‌شكردووه‌، بەپێی لیستی ئامادەكراو بۆ خێزانە هەژارو كەم دەرامەتەكان كە لەرێگەی  پارێزگا و ئیدارە سەربەخۆكانەوە بۆ بەڕێوەبەرایەتی نەوت و كانزاكان رەوانە كراوە و ، لەرێكەوتی 1ی شوباتی 2023 بە بڕی 100 لیتر نەوتی سپی بۆ هەر خێزانێكی هەژارو كەم دەرامەت دەست كراوە بەدابەشكردنی.