به‌ڕێوه‌به‌رایه‌تی گشتیی كه‌شناسی و بوومه‌له‌رزه‌زانی هه‌رێمی كوردستان ڕه‌وشی كه‌شوهه‌وای ئه‌مڕۆ هه‌ینی و سبه‌ی شه‌مووی شاره‌كانی بڵاو كرده‌وه و تێیدا ئاماژه‌ی به‌وه‌دا كه سبه‌ی شه‌موو شه‌پۆڵێكی تری بارانبارین ده‌ستپێده‌كات و سه‌رجه‌م ناوچه‌كانی هه‌رێمی كوردستان ده‌گرێته‌وه.
كه‌شناسی سه‌باره‌ت به ڕه‌وشی كه‌شوهه‌وای ئه‌مڕۆ هه‌ینی ڕایگه‌یاند: ئاسمان نیمچە هەور دەبێت، لەگەڵ ئەگەری بارینی نمەبارانی کەم لەسەر ناوچە شاخاوییەکان، پله‌كانی گه‌رماش كه‌مێك به‌رزتر ده‌بن له تۆماره‌كانی دوێنێ پێنجشه‌م.
ڕاشیگه‌یاند: خێرایی با له‌سه‌رخۆ و مامناوه‌ند ده‌بێت و ئاراسته‌كه‌شی به‌ره‌و باكوری خۆرئاوا ده‌بێت، هه‌روه‌ها مه‌ودای بینین له‌نێوان 8-10 كم ده‌بێت.
بۆ كه‌شوهه‌وای سبه‌ی شه‌موو، كه‌شناسی ڕایگه‌یاند: ئاسمان نیمچە هەور دەبێت لە پاشان دەگۆڕێت بۆ هەوری تەواو، سەرەتا لە کاتەکانی ئێوارە بارانبارین لە بەشی باکوری ڕۆژئاوای هەرێم دەست پێ دەکات و پاشان لە شەودا ڕێژەی دابارین زیاد دەکات لە زۆربەی ناوچەکانی تر باران بارینمان دەبێت .
ئاماژه‌ی به‌وه‌ش دا: پله‌كانی گه‌رماش نزیك ده‌بن له تۆماره‌كانی ئه‌مڕۆ هه‌ینی و خێرایی باش له‌سه‌رخۆ و مامناوه‌ند ده‌بێت و ئاراسته‌كه‌شی به‌ره‌و باكوری خۆرهه‌ڵات ده‌بێت.
به‌ڕێوه‌به‌رایه‌تی گشتیی كه‌شناسی پله‌كانی گه‌رمای پێشبینیكراوی شاره‌كان به‌مشێوه‌ی خواره‌وه دیاری كرد:-
هەولێر: 12 پلەى سیلیزى
سلێمانی: 11 پلەى سیلیزى
دهۆک: 9 پلەى سیلیزى
کەرکووک: 16 پلەى سیلیزى
هەڵەبجە: 11 پلەى سیلیزى
زاخۆ: 11 پلەى سیلیزى
سۆران: 8 پلەى سیلیزى
گەرمیان: 17 پلەى سیلیزى
کۆمێنت (0)
تا ئێستا هیچ کۆمێنتێک نەکراوە.