ده‌سته‌ی باڵای حه‌ج و عومڕه‌ی عێراق ئه‌مرۆ هه‌ینی له ئاگادارییه‌كدا داوای له هاووڵاتییان كرد له‌گه‌ڵ ئه‌و كۆمپانیایانه نه‌چنه عومڕه كه به‌رله‌وه‌ی بگه‌نه خاكی پیرۆزی سعوودییه شوێنی مانه‌وه‌تان بۆ دیاری نه‌كرابێت و نه‌گیرابێت.
ده‌سته‌ی باڵای حه‌ج و عومڕه‌ی له ئاگادارییه‌كه‌دا ده‌ڵێت: كۆمپانیای عومڕه هه‌یه كاری ساخته و سه‌رپێچی له تۆماری شوێنی مانه‌وه ده‌كه‌ن و هاووڵاتیان هه‌ڵده‌خه‌ڵه‌تێنن، بۆ ئه‌مه‌ش ده‌سته‌كه‌مان به‌رده‌وام به‌دواداچوون بۆ ئه‌و كۆمپانیایانه ده‌كه‌ن و سزایان ده‌ده‌ن.
داواشی له هاووڵاتیان كرد بۆ ئه‌نجامدانی گه‌شتی عومڕه، ئه‌و كۆمپانیایانه هه‌ڵبژێرن كه باوه‌ڕپێكراون و له‌لایه‌ن ده‌سته‌ی باڵای حه‌ج و عومڕه‌وه ده‌سه‌ڵاتی ئه‌نجامدانی گه‌شتی عومڕه‌یان پێدراوه.
ئه‌مه له‌كاتێكدایه كه به‌م دواییه له‌گه‌ڵ هاتنی مانگی ڕه‌جه‌ب و نزیكبوونه‌وه‌ی مانگه‌كانی شه‌عبان و ڕه‌مه‌زان، ڕێژه‌ی گه‌شتكردنی هاووڵاتییان بۆ وڵاتی سعوودییه به مه‌به‌ستی ئه‌نجامدانی گه‌شتی عومڕه به‌ڕێژه‌یه‌كی به‌رچاو زیادیان كردووه.
کۆمێنت (0)
تا ئێستا هیچ کۆمێنتێک نەکراوە.