هێڵی ئاسمانی تورکیا گەشتەکانی سبەی یەکشەممە و دووسبەی دووشەممەی فڕۆکەخانەی ئیستەنبووڵی هەڵوەشاندەوە، کە زیاتر لە 200 گەشتن، بەهۆی هاتنی گەردەلوولێکی بەهێزی بەفربارین.
هێڵی ئاسمانی تورکیا لە ڕاگەیەنراوێک ڕایگەیاند: بەهۆی هاتنی شەپۆڵێكی بەفربارینی پێشبینیکراو بۆ ناوچەکانی مەڕمەڕە و ئیستەنبووڵ، گەشتەکانی فڕۆکەخانەی ئیستەنبووڵ بۆ ڕۆژانی 05 و 06ـی ئەم مانگە هەڵدەوەشێنرێنەوە.
هێڵی ئاسمانی تورکیا داوا لە سەرنشینان دەکاتەوە کە سەیری کارتی گەشتەکانیان بکەن بۆ دڵنیابوونەوەیان، کە ئەگەر لە ڕۆژانی 05 و 06 بێت هەڵوەشێنراوەتەوە.
ئەمەش لەکاتێکدایە کە شەپۆڵێکی بەفربارین ئیستەنبووڵی گرتووەتەوە، چاوەڕێ دەکرێت لە ڕۆژانی داهاتوودا شەپۆڵەکە تووندتر بێت.
کۆمێنت (0)
تا ئێستا هیچ کۆمێنتێک نەکراوە.