هێڵی ئاسمانی عێراقی ڕاگرتنی گەشتەکانی بۆ ئیستەنبووڵ بۆ سبەی یەکشەممە 05ـی 02ـی 2023 ڕاگەیاند، ئەمەش بەهۆی خراپی ڕەوشی کەشوهەوا.
ئیدارەی گشتیی هێڵی ئاسمانی عێراقی ڕایگەیاند: گەشتیاران ئاگادار دەکەینەوە کە بەهۆی خراپی ڕەوشی کەشوهەواوە بەشێوەیەکی کاتی سەرجەم گەشتە ئاسمانییەکان بۆ ئیستەنبووڵ لە تورکیا بۆ سبەی یەکشەممە ڕادەگرین.
ڕاشیگەیاند: هیوادارین لە دۆخەکە تێبگەن، هەروەها لە کاتی دەستپێکردنەوەی گەشتەکان ئاگادار دەکرێنەوە.
ئەمەش لەکاتێکدایە کە هێڵی ئاسمانی تورکیاش ڕایگەیاند، سەرجەم گەشتەکانی بۆ سبەی یەکشەممە و دووسبەی دووشەممەی فڕۆکەخانەی ئیستەنبووڵی هەڵوەشاندەوە، کە زیاتر لە 238 گەشتن، بەهۆی هاتنی گەردەلوولێکی بەهێزی بەفربارین و ڕەوشی نالەباری کەشوهەوا.
کۆمێنت (0)
تا ئێستا هیچ کۆمێنتێک نەکراوە.