وەزیری ئەوقاف و کاروباری ئایینی هەرێمی کوردستان بۆ خەڵاتی ساڵانەی شێخ زاید بۆ برایەتی و مرۆڤایەتی بانگهێشت کرا کە تێیدا چەندان سەرکردە و کەسایەتی دیکەی جیهان بەشدار دەبن و ستاسیشی پێکەوەژیانی ئایینی لە هەرێمی کوردستان دەکەن.
ئەمڕۆ یەکشەممە 05ـی 02ـی 2023 د. پشتیوان سادق وەزیری ئەوقاف و کاروباری ئایینی لەسەر بانگهێشتی ئەنجوومەنی دانایانی موسڵمان کە بارەگاکەی لە ئیماراتە، بەشداری لە خەڵاتی ساڵانەی شێخ زاید بۆ برایەتی و مرۆڤایەتی دەکات، لەمبارەیەوە وەزارەتی ئەوقاف و کاروباری ئایینی لە ڕاگەیەنراوێک ئاماژەی بەوە دا کە د. پشتیوان سادق چاوی کەوت بە ژمارەیەک کەسایەتی ئایینی و نێودەوڵەتیی جیھانی کە کاردەکەن بۆ تەبایی و پێکەوەژیانی ئایینی لەوانە" (نیھان بن موبارەک ئال بنھیان) وەزیری تەساموحی ئیماراتی، (تۆنی بلێر) سەرۆک وەزیرانی پێشووی بەریتانیا و چەندین کەسایەتی دیکەی نێودەوڵەتی.
هەروەها ڕایگەیاند: لە چاوپێکەوتنەکاندا بە گرنگییەوە گفتوگۆ لەسەر ڕەوشی پێکەوەیی ئایینی لە ھەرێمی کوردستان کرا و پێگەی کوردستان لە ناوەندی ئایینی و پێکەوەژیان لەناوچەکەدا بە کەموێنە وەسف دەکرێت.
لە ڕاگەیەنراوەکە وەزارەتی ئەوقاف ئاماژەی بە گرنگی بەشداریکردنی د. پشتیوان سادق لەم ڕێوڕەسمە داوە و باسی لەوە کردووە کە " بەشداریکردنی وەزیری ئەوقاف و کاروباری ئایینی دەرخەری ئەو گرنگیەیە کە حکوومەتی هەرێمی کوردستان بۆ پێکھاتەکان و ئایینەکان دەستەبەری کردووە، ئەمەش وێڕای پاراستنی مافەکانیان بەپێی بنەما یاساییەکان.
جێی باسە، خەڵاتی شێخ زاید بۆ برایەتی و مرۆڤایەتی، ساڵانە پێشکەشی چەند کەسایەتییەکی کاریگەر دەکرێت کە لەسەر ئاستی تاک و ڕێکحراوەکان و حکوومەت، کاریان لەسەر پێکەوەژیان و بەیەک گەیاندن و برەودان بە ئاشتی و تەبایی و کاری خێرخوازی کردووە.
کۆمێنت (0)
تا ئێستا هیچ کۆمێنتێک نەکراوە.