سەرۆکی هەرێمی کوردستان بەبۆنەی 29 ساڵەی دامەزراندنی یەکگرتووی ئیسلامی کوردستانەوە پیرۆزباییان ئاراستە دەکات.
نێچیرڤان بارزانی سەرۆکی هەرێمی کوردستان لە یادی 29 ساڵەی دامەزراندنی یەکگرتووی ئیسلامی ڕایگەیاند: به‌و هيوايه‌ى هه‌موو هێز و لايه‌نه سياسييه‌كان و پێكهاته‌كانى كوردستان، يه‌كڕيز و ته‌با بۆ ئێستا و داهاتوويه‌كى باشتر، پێكه‌وه كار بكه‌ين.
دەقی پەیامی پیرۆزبایی نێچیرڤان بارزانی سەرۆکی هەرێمی کوردستان بۆ یەکگرتووی ئیسلامی کوردستان:-
به‌بۆنه‌ى يادى بيست و نۆ ساڵه‌ى ڕاگه‌ياندن و دامه‌زراندنى يه‌كگرتووى ئيسلاميى كوردستانه‌وه، به گه‌رمى پيرۆزبايى له به‌ڕێزان ئه‌ميندارى گشتى و سه‌ركردايه‌تى و ئه‌ندامان و جه‌ماوه‌رى يه‌كگرتووى ئيسلامى ده‌كه‌م، هيواى سه‌ركه‌وتنيان بۆ ده‌خوازم.
له‌م ياده‌دا به ڕێزه‌وه له ڕۆڵ و ئاماده‌يى و هاوبه‌شيى يه‌كگرتووى ئيسلاميى كوردستان له پرۆسه‌ى سياسيى هه‌رێمى كوردستان و عێراقدا ده‌ڕوانين. به‌و هيوايه‌ى هه‌موو هێز و لايه‌نه سياسييه‌كان و پێكهاته‌كانى كوردستان، يه‌كڕيز و ته‌با بۆ ئێستا و داهاتوويه‌كى باشتر، پێكه‌وه كار بكه‌ين.
نێچيرڤان بارزانى
سه‌رۆكى هه‌رێمى كوردستان
2023/2/6
کۆمێنت (0)
تا ئێستا هیچ کۆمێنتێک نەکراوە.