مه‌سرور بارزانی رایگه‌یاند: دامودەزگاکانی حکومەتی هه‌رێمی كوردستان له وەزارەتی تەندروستی و دەزگای خێرخوازیی بارزانیی-م راسپاردووه بۆ هاوکاری و بەهاناوەچوونی زیانلێکەوتووانی بوومەلەرزەكه‌ی وڵاتی توركیا و سووریا.
نیوه‌ڕۆی ئه‌مڕۆ دووشه‌ممه 6ى2ى2023، مه‌سرور بارزانی، سه‌رۆكی حكومه‌تی هه‌رێمی كوردستان له تویتێكدا رایگه‌یاند، بۆ هاوکاری و بەهاناوەچوونی زیانلێکەوتووانی بوومەلەرزە، دامودەزگاکانی حکومەت، وەزارەتی تەندروستی و دەزگای خێرخوازیی بارزانیی-م راسپاردوون هه‌ماهه‌نگی له‌گه‌ڵ رێكخراوی مانگی سوور بکەن لە هەوڵەکانی فریاگوزاری لە تورکیا و سوریا.
مه‌سرور بارزانی ئاماژه‌ی به‌وه‌شكردووه، بۆ ئەم مەبەستە تا ئێستا 3 تیمی فریاگوزاری و 25 ئەمبۆلانس ئامادەن.
مه‌سرور بارزانی: تیمه ته‌ندروستی و فریاگوزارییه‌كانمان بۆ بەهاناوەچوونی زیانلێکەوتووانی بوومەلەرزەكه‌ی توركیا و سووریا ئاماده‌ن
100%
کۆمێنت (0)
تا ئێستا هیچ کۆمێنتێک نەکراوە.