شێخی ئه‌زهه‌ڕ ئه‌مڕۆ چوارشه‌م په‌یامێكی به‌په‌له‌ی ئاراسته‌ی سه‌رجه‌م كۆمه‌ڵگه‌ی مرۆڤایه‌تی و جیهان كرد به‌هانای لێقه‌وماوانی بوومه‌له‌رزه‌كه‌ی توركیا و سووریا بچن و هه‌رچی زووه هه‌وڵی رزگاركردنی ئه‌و كه‌سانه بده‌ن كه تا ئێستا له‌ژێر دار و به‌ردی باڵه‌خانه و خانووه‌كاندا ماون.
ئه‌حمه‌د ته‌یب شێخی ئه‌زهه‌ر له میسڕ له په‌یامێكدا ڕایگه‌یاند: دڵمان پڕ له ئازاره به‌هۆی دیمه‌نه كاره‌سات و ناخهه‌ژێنه‌كانی قوربانییانی بوومه‌له‌رزه‌كه‌ی سووریا و توركیا.
ڕاشیگه‌یاند: داوا له كۆمه‌ڵگه‌ی مرۆڤایه‌تی و سه‌رجه‌م خه‌ڵكی جیهان ده‌كه‌م به‌خێرایی هه‌ڵسن به پێشكه‌شكردنی یارمه‌تی بۆ لێقه‌وماوان و زیانلێكه‌وتووانی بوومه‌له‌رزه‌كان له سووریا و توركیا و ده‌ستی هاوكاریش بۆ برینداران و بێ ماڵ و حاڵه‌كان درێژ بكه‌ن.
ئاماژه‌ی به‌وه‌ش دا كه پیویسته په‌له بكرێت و هه‌رچی زووه هه‌وڵی رزگاركردنی هه‌موو ئه‌و كه‌سانه بدرێت كه تا ئێستا له‌ژێر دار و به‌ردی باڵه‌خانه و خانووه‌كاندا ماون.
له كۆتاییدا ئه‌حمه‌د ته‌یب شێخی ئه‌زهه‌ر دوعای بۆ سه‌رجه‌م لێقه‌وماوانی بوومه‌له‌رزه‌كه كرد و داوای له خوای گه‌وره كرد ڕه‌حم و به‌زه‌یی به به‌نده لاوازه‌كانی بكات.
کۆمێنت (0)
تا ئێستا هیچ کۆمێنتێک نەکراوە.