دۆمنیكۆ تیدیسكۆ وه‌ك ڕاهێنه‌ری هه‌ڵبژارده‌ی به‌لژیكا بۆ شوێنگرتنه‌وه‌ی رۆبیرتۆ مارتینیزی دیاریكرا

یه‌كێتی تۆپی پێی به‌لژیكا دۆمنیكۆ تیدیسكۆ وه‌ك ڕاهێنه‌ری هه‌ڵبژارده‌ی به‌لژیكا بۆ شوێنگرتنه‌وه‌ی رۆبیرتۆ مارتینیزی دیاریكرا.
 دوای ئه‌وه‌ی هه‌ڵبژارده‌ی به‌لژیكا له‌جامی جیهانی دوو هه‌زارو بیستودووی قه‌ته‌ر نه‌یتوانی ئاستێكی باش پێشكه‌ش بكات و له‌قۆناغی كۆمه‌ڵه‌كان دوورخرایه‌وه‌، دواجار یه‌كێتی تۆپی پێی به‌لژیكا ده‌ست به‌رداری مارتینیزی بوو.
 تیدیسكۆی ته‌مه‌ن سی و حه‌وت ساڵان هه‌ڵگری ره‌گه‌زنامه‌ی ئه‌ڵمانی و ئیتالیه‌، له‌رابردوو ئه‌ركی راهێنه‌رایه‌تی یانه‌كانی شالگه‌، سپارتا مۆسكۆ و لایبزیگی وه‌رگرتووه‌.
 به‌پێی رێكه‌وتنی یه‌كێتی تۆپی پێی به‌لژیكا و دۆمنیكۆ تیدیسكۆ ئه‌و ڕاهێنه‌ره‌ تا كۆتاییه‌كانی جامی نه‌ته‌وه‌كانی ئه‌وروپای دوو هه‌زارو بیستو چوار په‌یوه‌ست ده‌بێت به‌هه‌ڵبژارده‌ی به‌لژیكا، یه‌كه‌م یاری هه‌لبژارده‌ی به‌لژیكا له‌سه‌ر ده‌ستی تیدیسكۆ له‌بیست و چواری ئاداری داهاتوو له‌به‌رامبه‌ر هه‌لبژارده‌ی سوید ده‌بێت.