نرخی نه‌وت له بازاڕه‌كانی جیهان ماوه‌ی دوو ڕۆژه ڕوو له دابه‌زینه به‌هۆی مه‌ترسییه‌كانی پاشه‌كشه‌ی ئابووری له ئه‌مه‌ریكا و كه‌مبوونه‌وه‌ی خواست له‌لایه‌ن وڵاتی چینه‌وه.
به‌ره‌به‌یانی ئه‌مڕۆ هه‌ینی نه‌وتی برێنت له بازاڕه‌كانی جیهان به ڕێژه‌ی 0.12% نرخه‌كه‌ی له‌ده‌ست دا و ئێستا هه‌ر به‌رمیلێك نرخه‌كه‌ی 84.40 دۆلاره.
به‌هه‌مانشێوه نرخی خاوی تێكساسی ئه‌مه‌ریكیش ڕووی له دابه‌زین كرد و به ڕێژه‌ی 0.24% نرخه‌كه‌ی كه‌مبووه‌وه، هه‌ر هه‌ر به‌رمیلێك ئێستا 77.87 دۆلاره.
ئه‌مه له‌كاتێكدایه كه دوێنێ پێنجشه‌م نرخی هه‌ر به‌رمیلێك نه‌وتی برێنت بۆ 84.50 دۆلار دابه‌زی بوو، هه‌روه‌ها نه‌وتی تێكساسی ئه‌مه‌ریكیش بۆ 78.06 دۆلار دابه‌زی بوو.
کۆمێنت (0)
تا ئێستا هیچ کۆمێنتێک نەکراوە.