سه‌نته‌ری نیشتمانی بوومه‌له‌رزه‌ی سووریا ئاشكرای كرد كه پێش نیوه‌ڕۆی ئه‌مڕۆ هه‌ینی و كه‌مێك پێش ئێستا بوومه‌له‌رزه‌یه‌ك له وڵاته‌كه‌یان ڕوویداوه.
سه‌نته‌ره‌كه ڕایگه‌یاند: بوومه‌له‌رزه‌كه كاتژمێر 11:17ی پێش نیوه‌ڕۆ له رۆژئاوای شاری لازقییه ڕوویداوه.
ئاماژه‌ی به‌وه‌ش دا كه گوڕی بوومه‌له‌رزه‌كه 3.9 بووه به پله‌ی ڕێخته‌ر.
ئه‌مه له‌كاتێكدایه كه له شه‌وی ڕابردووه‌وه دوو بوومه‌له‌رزه‌ی تر له وڵاتی توركیا ڕوویانداوه، یه‌كه‌میان دره‌نگانی شه‌وی ڕابردوو بوو له پارێزگای هاتای به گوڕی 4 پله‌ی ڕێخته‌ر، ئه‌وه‌ی دووه‌میشیان سه‌رله‌به‌یانی ئه‌مڕۆ بوو له شاری مه‌له‌تی له باشووری رۆژهه‌ڵاتی توركیا كه گوڕه‌كه‌ی 5 پله‌ی ڕێخته‌ر بوو.
کۆمێنت (0)
تا ئێستا هیچ کۆمێنتێک نەکراوە.