له‌دوای 160 کاتژمێر لە بوومەلەرزەکەی توركیا كچێك لەژێر داروپەردووی باڵەخانەیەکدا رزگارکرا

لە شارۆچکەی ئانتاکیا-ی سەربە پارێزگای هاتای لە باشووری توركیا منداڵێکی تەمەن 11 ساڵان دوای مانەوەی بۆ ماوەی 160 کاتژمێر لەژێر داروپەردووی باڵەخانەیەکی رووخاوی ئەو بوومەلەرزەیەی کە چەقەکەی پارێزگای قەهرەمانمەڕەش بوو و بە "کارەساتی سەدە" وەسفدەکرێت، رزگارکرا.
دوای ئەو بوومەلەرزانەی کە ناوچەکانی دەریای ناوەڕاست، باشووری رۆژهەڵات و رۆژهەڵاتی ئانادۆڵوی هەژاند، کارەکانی گەڕان و رزگارکردن لە پارێزگای هاتای بەردەوامە.
تیمەکان، ئەرکی گەڕان و رزگارکردنیان لە ژێر داروپەردووی باڵەخانەی ئۆزگور لە شارۆچکەی ئانتاکیا-ی ناوەند کە بەهۆی بوومەلەرزەکەوە رووخاوە، ئەنجامدا.
تیمەکانی گەڕان و رزگارکردن، لە ژێر داروپەردووەکاندا کەسێکی زیندوویان بەدیکرد.
لە ئەنجامی کارێکی چڕ و ورددا توانرا كچێكی ته‌مه‌ن 11  ساڵان بە ناوی لینا ماردینی دوای 160 کاتژمێر مانەوە رزگاربکرێت.
منداڵەکە، دوای دەرکردنی لەژێر داروپەردووی باڵەخانە رووخاوەکەدا رەوانەی نەخۆشخانە کرا.