سەرۆكی هەرێمی كوردستان گەیشتە شارۆچكەی ئیسلاحییە

كەمێك پێش ئێستا نێچیرڤان بارزانی، سەرۆكی هەرێمی كوردستان بۆ بەسەركردنەوەی زیانلێكەووتوانی بوومەلەرزە، گەیشتە شارۆچكەی ئیسلاحییە و تیمەكانی هەرێمی كوردستان لەو شارۆچكەیە بەسەر دەكاتەوە.
پێشتریش سەرۆكی هەرێمی كوردستان سەردانی شارۆچكەی نوورداغ –ی كردوو لەگەڵ بەرپرسانی شارۆچكەكە كۆبووەوە .
پێشنیوەڕۆی ئەمڕۆ سێشەممە نێچیرڤان بارزانی، سەرۆكی هەرێمی كوردستان ، سەردانی شاری دیلۆك-ی  لە كوردستانی توركیا  كردو زیانلێكەووتوانی بوومەلەرزەی بەسەركردەوە.
ئەمڕۆ سێشەممە 14-2-2023 نێچیرڤان بارزانی، سەرۆكی هەرێمی كوردستان ، بەسەردانێك گەیشتە كوردستانی توركیا و ناوچە زیانلێكەوتووەكانی بوومەلەرزەكان بەسەر دەكاتەوە .
رۆژی شەشی ئەم مانگە دوو بوومەلەرزە بەگوڕەكانی 7،7 و 7،6 پلە لە پارێزگای قەھرەمانمەڕەش باشووری توركیا روویاندا و كاریگەرییان لەسەر 10 پارێزگای توركیا و پێنج پارێزگای سووریا دروست كرد.
بەپێی دوایین ئامار ژمارەی ئەو كەسانەی لە توركیا و سووریا بەھۆی بوومەلەرزەكانەوە گیانیان لەدەستداوە 37 ھەزار كەسی تێپەڕاندووە.