له‌ پارێزگایه‌كی عێراق دووسبه‌ی كرایه‌ پشوو

پارێزگاری واسیت به‌فه‌رمی دووسبه‌ی پێنجشه‌می كرده‌ پشوو و ڕای گه‌یاند كه‌ له‌و رۆژه‌دا ته‌نیا‌ فه‌رمانگه‌ خزمه‌تگوزارییه‌كان ده‌وام ده‌كه‌ن.

محه‌مه‌د ئه‌لمیاحی پارێزگاری واسیت له‌ به‌یاننامه‌یه‌كدا ڕایگه‌یاند: بڕیارمان دا رۆژی پێنجشه‌می داهاتوو له‌ ناوه‌نده‌كانی خوێندن و فه‌رمانگه‌كانی حكوومه‌ت له‌ پارێزگاكه‌مان پشووی فه‌رمی بێت.

ڕاشیگه‌یاند: پشووه‌كه‌ به‌بۆنه‌ی ساڵیادی شه‌هیدبوونی ئیمام كازم ره‌زای خوای له‌سه‌ربێت ڕاگه‌یه‌نراوه‌.

پارێزگاری واسیت ئاماژه‌ی به‌وه‌ش دا كه‌ له‌و رۆژه‌دا ته‌نیا فه‌رمانگه‌ خزمه‌تگوزارییه‌كان ده‌وامی ئاسایی ده‌كه‌ن و پشووه‌كه‌ ئه‌وان ناگرێته‌وه‌.