بزانه‌ نرخی ئێستای دۆلار له‌ هه‌رێمی كوردستان و پارێزگاكانی عێراق چه‌نده‌؟

له‌ دوای نیوه‌ڕۆی ئه‌مڕۆ پێنجشه‌مه‌وه‌ به‌های دۆلار به‌رامبه‌ر به‌ دیناری عێراقی له‌ بۆڕسه‌ و نووسینگه‌كانی گۆڕینه‌وه‌ی دراو تاڕاده‌یه‌ك دابه‌زینی به‌خۆیه‌وه‌ بینی، دوای ئه‌وه‌ی شه‌وی ڕابردوو و سه‌رله‌به‌یانی ئه‌مڕۆش نرخه‌كان به‌رز بوون.

ئێستا نرخی 100 دۆلاری ئه‌مه‌ریكی له‌ شاره‌كانی هه‌ولێر و سلێمانی و دهۆك 152 هه‌زار و 900 دیناره‌، به‌ڵام له‌ كه‌ركووك و مووسڵ و چه‌ند پارێزگایه‌كی تری ناوه‌ڕاست و باشووری عێراق ئێستا به‌ 153 هه‌زار دیناره‌.

له‌ شاری به‌غدای پایته‌خت نرخی ئێستای 100 دۆلاری ئه‌مه‌ریكی به‌ 152 هه‌زار و 400 دیناره‌، له‌ شاری به‌سڕه‌ی باشووری عێراقیش ئێستا به‌ 152 هه‌زار و 300 دیناره‌.

ئه‌مه‌ له‌كاتێكدایه‌ كه‌ شه‌وی ڕابردوو و تا پێش نیوه‌ڕۆی ئه‌مڕۆش نرخی 100 دۆلار له‌ سه‌رووی 155 هه‌زار دینار تۆمار كرابوو.