كه‌شناسی: ئه‌مشه‌و ساردترین شه‌و ده‌بێت و پله‌كانی گه‌رما ده‌بنه‌ ژێر سفڕ

به‌ڕێوه‌به‌رایه‌تی گشتیی كه‌شناسی و بوومه‌له‌رزه‌زانی حكوومه‌تی هه‌رێمی كوردستان ئاشكرای كرد كه‌ ئه‌مشه‌و ساردترین شه‌و ده‌بێت و پله‌كانی گه‌رما بۆ ژێر سفڕ داده‌به‌زن.

كه‌شناسی ڕایگه‌یاند: پێشبینى دەکرێ لە دوای نیوەشەو تا سبەى بەیانى زوو نزمترین پلەکانى گەرما لە ناوچە شاخاوییەکان زیاتر دابەزێت بە بەراورد لە گەڵ نزمترین پلەکانى گەرماى ئەمڕۆ پێنجشه‌م .

ئاماژه‌ی به‌وه‌ش دا كه‌ لە سەنتەرى شارەکان نزمترین پلەکانى گەرما پێشبینى دەکرێ بەمشێوەیەى خوارەوە بێت :-

هەولێر: -2 پلەى سیلیزى

سلێمانى: -3 پلەى سیلیزى

دهۆک: -3 پلەى سیلیزى

هەلەبجە: -2 پلەى سیلیزى

هه‌روه‌ها كەرکووک و ناوچەکانى گەرمیان لە نێوان (-1 و 0) پلەى سیلیزى دەبێت.

كه‌شناسی ڕاشیگه‌یاند كه‌ ئه‌مشه‌و شەختە لەو شوێنانەى كه‌ تەڕ و شێدارن دروست دەبێت.

له‌ كۆتاییدا به‌ڕێوه‌به‌رایه‌تی گشتیی كه‌شناسی و بوومه‌له‌رزه‌زانی جه‌ختی كرده‌وه‌ كه‌ ئەمشەو ساردترین شەو دەبێت تاوەکو ئێستا.