ئەمڕۆ هەینی 17ـی 02ـی 2023 بوومەلەرزەیەکی بەهێز بە گوڕی 6.4 پلەی ڕێختەر ئەندەنووسیای هەژاند.
ئاژانسی جیۆفیزیای ئەندەنووسیا ڕایگەیاند: بوومەلەرزەیەک بە گوڕی 6.4 لە دوورگەی تانیمبارـی سەر بە پارێزگای مالۆکۆ ڕووی دا.
ڕاشیگەیاند: بوومەلەرزەکە لە قوڵایی 97 کیلۆمەتر بووە، ڕەتی دەکەینەوە ببێتە هۆی ڕوودانی تسۆنامی.
سەبارەت بە زەرەر و زیانەکان تاوەکوو ئێستا هیچ لایەنێکی فەرمی ئاماژەی پێنەداوە.
ئەندەنووسیا دەکەوێتە سەرووی ئەو ناوچەیەی کە پێی دەگوترێت "ئەڵقەی ئاگری زەریای هێمن"، ناوچەیەکی زۆر چالاکە لەڕووی ڕوودانی بوومەلەرزەوە، کە پلێتە جیاوازەکانی توێکڵی زەوی لێی کۆدەبنەوە و دەبێتە هۆی بوومەلەرزەی زۆر.
کۆمێنت (0)
تا ئێستا هیچ کۆمێنتێک نەکراوە.