سەرۆک مەسعود بارزانی ئەمڕۆ شەممە 18ـی 02ـی 2023 لە سەڵاحەدین پێشوازی لە شاندێکی باڵای هێزەکانی گۆڕانی دیموکراتی کرد کە پێکهاتبوون لە:ڕائید فەهمی سکرتێری حزبی شیوعیی عێراقی و یاسر سالم ئەندامی مەکتەبی سیاسیی حزبی شیوعیی عێراقی و عەلی ڕەفیعی سەرۆکی تیاری کۆمەڵایەتی و مشرق ئەلفریجی سەرۆکی جووڵانەوەی نازل ئەخز حەقی و حوسێن ئەلغرابی سەرۆکی حزبی ماڵی نیشتیمانی و محیی ئەنساری سەرۆکی حزبی ماڵی عێراقی و مووسا ڕەحمەتوڵلا سەرۆکی حزبی وەعد.
لە دیدارەکەدا بارودۆخی سیاسیی عێراق و کۆسپ و تەگەرەکانی چالاکییە سیاسییەکانی لایەنەکان و ڕووبەڕووبوونەوەی قەیرانە سیاسیەکان ئاڵوگۆڕ کرا.
هەر لەو دیدارەدا جەخت لە هەماهەنگیی نێوان هێزەکانی گۆڕانی دیموکراتی و پارتی دیموکراتی کوردستان کرایەوە.
کۆمێنت (0)
تا ئێستا هیچ کۆمێنتێک نەکراوە.