به‌های دۆلار به‌رامبه‌ر به‌ دینار به‌رزبووه‌وه‌

دوای نیوه‌ڕۆی ئه‌مڕۆ یه‌كشه‌م به‌های دۆلار به‌رامبه‌ر به‌ دیناری عێراقی به‌ به‌راورد له‌گه‌ڵ سه‌رله‌به‌یانی ئه‌مڕۆ، به‌رز بووه‌وه‌ و ئێستا له‌ سه‌رووی 151 هه‌زار دیناره‌وه‌ مامه‌ڵه‌ی پێوه‌ ده‌كرێ‌.

تا ئاماده‌كردنی ئه‌م هه‌واڵه‌ نرخی 100 دۆلاری ئه‌مه‌ریكی له‌ شاره‌كانی هه‌ولێر و سلێمانی به‌رامبه‌ر بووه‌‌ به‌ 151 هه‌زار و 500 دینار، له‌ شاری دهۆك 151 هه‌زار و 600 دیناره‌ و له‌ شاری كه‌ركووكیش 151 هه‌زار و 700 دیناره‌.

له‌ شاری به‌غدای پایته‌ختیش نرخه‌كه‌ كه‌مێك كه‌متر بووه‌ و به‌های 100 دۆلار به‌رامبه‌ر بووه‌ به‌ 150 و 900 دینار، له‌ شاری به‌سڕای باشوویش به‌رامبه‌ر بووه‌ به‌ 151 هه‌زار دینار.

ئه‌مه‌ له‌كاتێكدایه‌ كه‌ سه‌رله‌به‌یانی ئه‌مڕۆ تا نیوه‌ڕۆ نرخی 100 دۆلار له‌ شاره‌كانی هه‌ولێر و سلێمانی له‌نێوان 149 و 150 هه‌زار بوون، له‌ شاری به‌غداش به‌هه‌مانشێوه‌ نرخی 149 هه‌زار دینار بوو.