لەمیانی کۆبوونەوەی شاندی حکوومەتی هەرێمی کوردستان لەگەڵ وەزارەتی نەوتی عێراق بڕیار درا لیژنەیەکی هاوبەش بۆ داڕشتنی پڕۆژەیاسای نەوت و گازی فیدراڵی پێکبهێنرێت.
ئەمڕۆ یەکشەممە 19ـی 02ـی 2023، شاندى حکوومەتى هەرێمى کوردستان لە بەغدا لەگەڵ شاندی حکومەتی فیدراڵی وەزارەتی نەوت کۆبووەوە.
فەرمانگەی میدیا و زانیاری ناوەڕۆکی کۆبوونەوەکەی ئاشکرا کرد و ئاماژەی بەوە دا کە "بڕیار درا لیژنەیەکی ھاوبەش پێکبھێنرێت بۆ ئامادەکردنی و داڕشتنی پڕۆژەیاسای نەوت و گازی فیدراڵی."
ئەمەش لەکاتێکدایە کە ئەمڕۆ یەکشەممە شاندێکی حکوومەتی هەرێمی کوردستان گەیشتە بەغدا، بۆ درێژەدان بە گفتوگۆکان بە مەبەستی چارەسەرکردنی پرسە هەڵپەسێردراوەکان و کێشەکانی نێوان هەولێر و بەغدا.
کۆمێنت (0)
تا ئێستا هیچ کۆمێنتێک نەکراوە.