بانكی ناوه‌ندیی عێراق ئاشكرای كرد كه ئه‌مڕۆ دووشه‌م له یه‌كه‌م رۆژی فرۆشتنی دۆلار به‌شێوه‌ی ئه‌لیكترۆنیدا زیاتر له 122 ملیۆن دۆلاریان فرۆشتووه.
بانكی ناوه‌ندیی عێراق داتاكانی خستنه‌بازاڕی ئه‌مڕۆی دۆلاری ئه‌مه‌ریكی ڕاگه‌یاند كه كۆی گشتی فرۆشتنی دۆلار بریتی بووه له 122 ملیۆن و 650 هه‌زار و 817 دۆلار.
بانكه‌كه ڕاشیگه‌یاند: له‌م ڕێژه‌یه زیاتر له 85 ملیۆن دۆلاری به‌شێوه‌ی حه‌واڵه بووه، هه‌روه‌ها زیاتر له 36 ملیۆن دۆلاریشی به‌شێوه‌ی كاش بووه.
ئه‌مه له‌كاتێكدایه كه دوێنێ یه‌كشه‌م بانكی ناوه‌ندیی عێراق بڕیاری دا له سه‌رجه‌م بانك و كۆمپانیاكانی ئاڵوگۆڕی دراو ئه‌وانه‌ی مۆڵه‌تی فه‌رمییان له حكوومه‌ت هه‌یه، له‌مڕۆ دووشه‌مه‌وه ده‌بێت به‌شێوه‌ی ئه‌لیكترۆنی دۆلار بفرۆشن.
بانكی ناوه‌ندیی له نووسراوێكدا جه‌ختیشی كرده‌وه كه هه‌ر بانك و كۆمپانیایه‌ك بۆ له‌مه‌ودوا به‌شێوه‌ی ئه‌لیكترۆنی دۆلار نه‌فرۆشێت، ئه‌وا له پێدانی پاره‌ی كاشی دۆلاری هه‌فتانه دوور ده‌خرێته‌وه.
کۆمێنت (0)
تا ئێستا هیچ کۆمێنتێک نەکراوە.