لەچوارچێوەی پلانی داڕێژراوی وەزارەتی خوێندنی باڵا و توێژینەوەی زانستی بۆ پێداچونەوە بە پرۆگرامی خوێندنی سەرجەم بەش و کۆلێجەکانی زانکۆکانی هەرێمی کوردستان، کۆبونەوەیەک بەمەبەستی پێداچونەوە بە پرۆگرامەکانی خوێندنی کۆلێجەکانی زمان بەڕێوەچوو.
لە زانکۆی سلێمانی کۆبونەوەیەک بە سەرپەرشتی د. محه‌مه‌د حوسێن ئه‌حمه‌د، سەرۆکی دەزگای سەرپەرشتی و دڵنیایی جۆری و سەرپەرشتیاری لیژنەی باڵای پەرەپێدانی پرۆگرامەکانی خوێندن لە کۆلێجەکانی زمان لە زانکۆکانی هەرێمی کوردستان و ئامادەبونی راگر و سەرۆک بەشەکانی سەرجەم کۆلێجەکانی زمان یەکەم کۆبونەوەی لێژنە بۆ داڕشتنی پلانی ستراتیژی کارکردن بەڕێوەچوو.
لە سەرەتای کۆبونەوەکەدا د. محه‌مه‌د حوسێن پلان و ستراتیژی وەزارەتی خوێندنی باڵای بۆ پێداچونەوە بە پرۆگرامەکانی خوێندن بۆ ئامادەبوان ڕونکردەوە و باسی لە گرنگی بەستنەوەی ناوەندەکانی خوێندنی باڵا بە بازاڕی کار و کارامەیی دەرچوان کرد.
پاشان ڕاگری کۆلێجەکانی زمان باسیان لە گرنگی ئەم هەنگاوەی وەزارەت کرد و بەزریان نرخاند.
دواتر بەشێک لە قوتابیارنی کۆلێجی زمان لە زانکۆی سلێمانی کە بانگهێشتی کۆبونەوەکە کرابون گرنگی ئەم هەنگاوەیان بەرز نرخاند و داوایانکرد بەشێکی گرنگ بن لە پرۆسەی گۆڕانکاری پرۆگرامەکان.
لە کۆتاییدا سەرجەم سەرۆک بەشەکان ڕاو بۆچونی خۆیان خستە ڕوو و بڕیاردرا لە نزیکترین کاتدا هەنگاوەکانی گۆڕانکاری دەستپێبکات بە شێوەیەک لە خزمەت پرۆسەی خوێندندا بێت لە سەرجەم زانکۆکان.
وەزارەتی خوێندنی باڵا: گۆڕانکاری لە پرۆگرامی خوێندنی کۆلێجەکانی زمان دەکرێت
100%
کۆمێنت (0)
تا ئێستا هیچ کۆمێنتێک نەکراوە.